FACULTY OF EXACT AND NATURAL SCIENCES
FACULTY OF HUMANITIES
FACULTY OF SOCIAL AND POLITICAL SCIENCES
FACULTY OF PSYCHOLOGY AND EDUCATIONAL SCIENCES
FACULTY OF ECONOMICS AND BUSINESS
FACULTY OF MEDICINE
FACULTY OF LAW
თსუ ჰუმანიტარულ მეცნიერებათა ფაკულტეტზე 2019 წელს დაარსდა ახალგაზრდა მეცნიერთა საერთაშორისო, ორენოვანი, რეცენზირებადი სამეცნიერო ელექტრონული ჟურნალი TSU-ti. ჟურნალის სახელწოდება (TSU Towards Internationalization) მოიაზრებს ჟურნალის კონცეფციაზე მომუშავე გუნდის მთავარ ამოცანას – ხელი შეეწყოს ჰუმანიტარულ დარგებში მომუშავე ახალგაზრდა მეცნიერთა კვლევების ინტერნაციონალიზაციას. ჟურნალის კონცეფციაზე მუშაობდნენ ახალგაზრდა მეცნიერთა საერთაშორისო სიმპოზიუმის (ISYSH-2019) საორგანიზაციო გუნდის წევრები (პროექტის ავტორი ეკატერინე ნავროზაშვილი); აღნიშნული ინიციატივა განიხილა და სამეცნიერო საბჭოს გადაწყვეტილების საფუძველზე დაამტკიცა თსუ ჰუმანიტარულ მეცნიერებათა ფაკულტეტის დეკანმა, პროფ. ნანა გაფრინდაშვილმა (ოქმი #4; 21.05.2019).
ჟურნალის პირველი ნომერი (ისტორიისა და არქეოლოგიის თემატური მიმართულებით) შოთა რუსთაველის ფონდის მიერ დაფინანსებული გრანტის ფარგლებში (ხელმძღვანელი ნათია ფუტკარაძე) გამოიცა 2022 წლის ზაფხულში და ის უკვე ინდექსირებულია EBSCO-ში, Google Scholar-ში, DRJI (Directory of Research Journals Indexing)-სა და Crossref-ში თითოეული სტატიისთვის სათანადო ობიექტის ციფრული იდენტიფიკატორის (DOI) მითითებით (ინდექსით: https://doi.org/10.55804/TSU-ti). გარდა აღნიშნული ბაზებისა, ჟურნალი TSU-ti განსახილველად წარდგენილია ISI (International Scientific Indexing)-ისა და SJIF (Scientific Journal of Impact Factor)-ის ბაზებში.
ახალგაზრდა მეცნიერთა საერთაშორისო სამეცნიერო ჟურნალ TSU-ti-ის მეორე ნომერი გამოიცემა 2023 წლის ზაფხულში, კულტურის კვლევების თემატური მიმართულებით. სტატიების გამოგზავნის ბოლო ვადაა 2023 წლის 28 თებერვალი.
სტატიების გაფორმების წესის შესახებ დაწვრილებით იხ. ჟურნალის ვებგვერდი: www.tsuti.tsu.ge.